Utent:Sciking/Sandbox/Monester de San Benedet (Milan)
El Monester de San Benedet a l'è un monester di moneghe benedetine del Santissim Sacrament, sit in via Belot al 10, in zona Resorgiment a Milan.[1]
Storia[Modifega | modifica 'l sorgent]
I moneghe benedetine inn rivade a Milan de la Franza, invitade del 1892 de l'arcivescov Luigi Nazari di Calabiana dopo che el Stat transalpin l'haveva soprimud vari orden e sostegnude anca del Leopoldo Zelli-Jacobuzzi. [2]
Del 1894 al comun ghe riva la domanda per fà sù el monester, e l'è aprovada du agn adree.[2]
Del 1918 a l'è ciamad el Spirito Maria Chiappetta per slargàll cont una gesa e una sed de scoeula, la gesa l'è scominciada del 1921 e consacrada del 1929.[2]
Del 1943 la banda de via Kramer a l'è propi dannegiada di bombardament[2]: un quaj dì prima che 'l capitava el Cardinal Schuster gh'haveva dad ai moneghe l'orden de andà via, inscì s'inn salvade.[3]
Architetura[Modifega | modifica 'l sorgent]
La gesa del Chiappetta l'è in stil neo-gotegh, con la faciada in quadrei perchè gh'è stada mìnga la possibilità de fornìlla. [2] A gh'è un portegh che la conliga a la scoeula, che l'è inveci in stil classegh-ecletegh.[2]
El monester el gh'ha un gran ort, che in part l'è stàd vendud ma che, per dì reson burocrateghe, gh'è mai stada fada su roba sora, incoeu el resta donca voeud.[2]
Riferiment[Modifega | modifica 'l sorgent]
- ↑ Lombardia Beni Culturali
- ↑ 2,0 2,1 2,2 2,3 2,4 2,5 2,6 Milano | Zona Risorgimento – Monastero di San Benedetto in Via Bellotti
- ↑ Monastero di San Benedetto a Milano