Urani Antonin
El Luzi Giuli Aureli Sulpizzi Sever Urani Antonin, mej conossuu 'me Urani Antonin (Lucius Iulius Aurelius Sulpicius Severus Uranius Antoninus in Latin; fl. 253/254) l'è staa on usurpador de la cariga imperial ai temp del Valerian.
Biografia[Modifega | modifica 'l sorgent]
In verità, semm nò se 'sto Urani Antonin l'è l'istess Urani del qual se parla in di liber del storigh bizantin Zosim, vist che lù el dis che quell lì l'è staa usurpador ai temp de la dinastia di Sever. Probabilment a l'era on omonim.
De fatt el noster Urani l'è staa attiv in Siria, indove l'ha coniaa di moned compagn di imperador e che hinn dataa al 253, ann in del qual l'imperador l'era el Valerian.
I storigh pensen che l'Urani Antonin el sia staa quell sacerdott ciamaa Sampsigeramus e che l'è citaa del storigh Giovann Malala. Quell lì l'è riessii a batt el re sasanide Savor I cont on numer piscinin de soldaa. Donca, l'Urani Antoni el saria vegnuu imperador perchè in de la zona, sotta l'invasion di persian, gh'era nissun che 'l reppresentass el poder central imperial: a gh'era donca besogn de figur locai che pensassen a difend el territori. De fatt, quand che l'è rivaa el Valerian cont el sò esercit, l'Urani Antonin l'ha sbassaa i sò pretes, come che se ved di moned pussee recent.