Ufela (pastisseria)

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.
Ufela
La clasica scatula di Ufel
Origen
Pòst d'origenItalia Italia
RegionLombardia
SpantegamentParóna
Dettaj
Categoriadolz
 

L’Ufela l'è la specialità dulsa tipica ad Paruna. L'è un biscott con una furma uval, nassüü da un incuntar d'ingredient induinaa, semplicc e nütrient.

Storia[Modifega | modifica 'l sorgent]

A inventà 'l biscott i henn stai du surel ad Paruna, Pasqualina e Linìn Colli, che a la fin dal '800 hann inventaa custa specialità sensa digh a ninsüna la riceta. I surel i tegnivan tanta da cünt al segret, che anca quand l'indüstrial Pietro Guglielmone, che 'l gh'iva 'na fabrica di dulz impurtant a Murtara, l'è andai a Paruna e l'ha ufrii ai surel 20.000 lir (che par l'epuca l'era un muntün ad danee) par crumpà la riceta di ufel, i surel Colli gl'han no vindüü istess.

In principi i ufel i gnivan fai in quantità limitaa e vindüü a nümar, invece che a pes, tant ch'ivan prezius, par l'üs dal bütir. La so presenza inti taul di parunin, l'è stai sübit ligaa a la ricurenza dla Madona dal Rusari, ch'l'è diventaa festa patrunal dal pais: inta cula ucasión as fivan i ufel par unurà la festa, quand l'ariviva anca gent di pais ariva par güstà al biscot tanta special.

Al grand sücess cumercial di ufel l'è rivaa in tal 1969, quand l'è stai urganizaa la prima sagra da cul prudut tipich chì. Da cul mument, la Pro Loco ad Paruna la garantissa la geneuinità dal biscot grazia a un marchi ad garanzia furnii ai indüstri ch'i prodücian i ufel, ch'i hann ciapaa al post di vegg furan a legna. Al dì d'incö i ufel i henn cugnüsü e consümaa in tüt al mund.

Ingredient[Modifega | modifica 'l sorgent]

Ingredient par fà i Ufel

Farina ad furment tenar, öv, bütir, zücar e öli d’uliva.

I Sartirann[Modifega | modifica 'l sorgent]

Gh'è una variant de l'ufela facia a furma de rana che l'è pruduta in ucasion de la Sagra de la Rana a Sartirana, in ümléna.