Turutütela

Quel articul chì l'è scrivüü in Lumbard, cun l'urtugrafia insübrica ünificada.

Angiul e Censina Cavallini, dü tra i ültim turutütela ch'i giraven per la Lumbardia

El turutütela l'è un persunagg tradiziunal de la leteradüra ural e de la cultüra pupulara. I turutütela i ndaven in gir per i pasquee, i mercaa e i usterii indè ch'i cantaven e i cüntaven sü stori ins i rob de tüt i dì. I scampaven cun i ufert del so püblich che de suent i cataven sü int el capel. La Lumbardia storica l'è stada bastanza famusa per i so turutütela, che di völt i eren numinaa anca int i curt ucitan, el pais da indè che i vegniven i truvadur, che i eren pö una speci de turutütela anca lur.