Truffa amorosa
La truffa amorosa (romance scam in ingles) a l'è 'na tecnega de ingegneria social che la consist in del ciappà la fiducia de 'na personna finna a fàlla borlà in amor per poeu domandàgh di robb per truffàlla, che despess a hinn di danee menter di alter voeult di ducument per fà del furt de identità o del sostegn per commett di riatt finanziari compagn del riciclagg de danee o di riatt migratori per reussì a andàgh dent in d'on Pajes pussee scior.
Despess 'sti truffator fann finta de vess vedov, cont di fioeu e in Pajes a ris'c perchè militar o personal commercial o petrolifer e disen de vess in perigol per ciappà di danee, di voeult finna a fà rivà la personna in del Pajes e indùlla a spend pussee che la pò. Al dì d'incoeu la pupart di truff la riva de l'Africa cont di alter pont important in di Caraibi, in Russia e in Ucraina. Di studi mostren comé i personn pussee sensibil e de coeur tenden a borlàgh pussee fazilment.