Trasmittanza tèrmica

Quest articol chì l'è scrivuu in lombard, grafia milanesa.

La trasmittanza tèrmica a l’è el fluss de calór che ‘l passa travèrs ona superfice unitaria sottopòsta a 'na differenza de temperadura anca lee unitaria. La dipénd del materiál de che la struttura l’è fàda su.

La trasmittanza tèrmica l’è l’invèrs de la resistenza tèrmica totàl la quàl a soa vòlta l’è dada de la sòmma de tucc i contribuzión a la resistenza tèrmica di vari strat de la parèd e di contribuzión de l’irradiazion e de la convezion sora i superfic de la paréd.

$U=1/R_{tot}$

con:

U trasmittanza tèrmica;

R_tot resistenza tèrmica totàl

indoe la resistenza tèrmica totàl la ven ottegnuda cont el somà i resisténz tèrmich consideràa come in serie. A se pòden somà nò i trasmittanz ma domà i resisténz ch'a hinn l'invèrs di trasmittánz

Sòma di resistenz tèrmich

Quand che i resisténz tèrmich hinn miss in serie i pòden vèss somà voeuna l’altra, a l’è el caso per esempi d’ona paréd fada su de divèrsi strat, ciaschedùn di quàj el gh’hà el sò valór de la resistenza tèrmica e de sora maròss gh’è anca i resisténz per convezion in sui superfici de voeuna e de l’altra part de la paréd. Per esempi semai che i strat i fudèssen du i resisténz i sarànn:

-la resistenza per la convezion in su la faccia 1:

$R_{conv1}={\frac {1}{h_{1}}}$

-quèlla per irradiazión in su la faccia 1:

$R_{irr1}={\frac {1}{h_{irr1}}}$

-la resistenza tèrmica del prim strat:

$R_{strat1}={\frac {L_{1}}{\lambda _{1}}}$

-a l’istèssa manera quèlla de segónd strat:

$R_{strat2}={\frac {L_{2}}{\lambda _{2}}}$

-la resistenza per la convezion in su la faccia 2:

$R_{conv2}={\frac {1}{h_{2}}}$

-quèlla per irradiazión in su la faccia 1:

$R_{irr2}={\frac {1}{h_{irr2}}}$

donca la resistenza totál l’è:

$R_{tot}=R_{conv1}+R_{irr1}+R_{strat1}+R_{strat2}+R_{conv2}+R{irr2}$

e la potenza tèrmica trasmettuda la sarà:

$dQ/dt={\frac {T_{\infty 1}-T_{\infty 2}}{R_{tot}}}$

h₁ e h₂ hinn i coefficent de convezión, h_irr1 e h_irr2 quèj de irradiazion, $\lambda$ a l'è la conduttività tèrmica, L l'è el spessór di strat.

Notìi che i temperadur che se consìderen hinn quèj a’na granda distanza de la paréd (in teoria infinida).

Per savenn pussee, varda l'articol Resistenza tèrmica.

Coefficent superficial

In edilizia, segond conforma a la nòrma UNIEN ISO 6948 de spèss, i coefficént de convezión e irradiazion vegnen concentràa ind on ùnegh coefficént ciamàa coefficént superficiál (coefficiente liminare o coefficiente di adduzione in lengua italiana e de sòlit insegnàa con α) che 'l sò valór l'è miss giò in di tabèll a segonda de la posidura verticál o orizzontál di superfici. La resistenza tèrmica associada al coefficent superiàl la ven ciamada resistenza tèrmica superficiál

Vos correlad

• Conduzion tèrmica
• Resistenza tèrmica
• scòrza de l'edifizzi