Trambaix
El Trambaix a l'è 'na metrotranvia che la conliga i comun de la comarca catalana del Baix Llobregat a Barcelona. A l'è in servizzi dal 5 de april del 2004 e incoeu la gh'ha trè lign. L'è longa 32 kilometer e la gh'ha 64 stazion.
Storia[Modifega | modifica 'l sorgent]
La storia del Trambaix la scomincia in del 1990, quand che di comun del Baix Llobregat domanden de slongà la linia 3 de la Metropolitana in del sò territori.
In del 1992 l'Entità Metropolitana del Trasport la fa on concors per fà lilinscì ona tranvia.
El 22 de giugn del 2001 el President de la Generalitat de Catalunya Jordi Pujol el mett la prima preja del progett del Trambaix, dopo circa cinch agn de proeuva.
El 3 de april del 2004 a l'è verta offizialment.
Lign[Modifega | modifica 'l sorgent]
El tram el gh'ha trè lign: T1, T2 e T3
T1 e T2[Modifega | modifica 'l sorgent]
La linia T1 a l'è verta domà i dì de lavorà e la conliga la Stazion de Macià cont la Stazion de Bon Viatge. Inveci la linia T2 a l'è semper verta e la conliga Macià a Llevant - Les Planes.
T3[Modifega | modifica 'l sorgent]
La linia T3, inveci, la fa on percors different e la se snoeuda de la T1/T2 a Montesa. La conliga Macià a Sant Feliu-Consell Comarcal.
Tram[Modifega | modifica 'l sorgent]
El tram doperaa in sui metrotranvij de Barcelona a l'è on modell adattaa del Citadis de la Alstom, longh 32,5 m e largh 2,6 m.
A l'è faa in lega lingera de allumini e l'è bidirezional cont dò gabinn per mezz e i gh'ha di confort comé l'aria condizionada e i post per i biciclett.