Tram de la Costa Belga

De Wikipedia
Lumbard ucidental Quest articol chì l'è scrivuu in lombard, grafia milanesa.

El Tram de la Costa Belga (in olandes Kusttram) a l'è on tram che 'l conliga la costa belga da Nord a Sud, da De Panne a Knokke-Heist. Cont i sò 67 km, a l'è la linia singola de tram pussee longa.

Storia[Modifega | modifica 'l sorgent]

La prima tratta in tra Oostende e Nieuwpoort a l'è verta in del 1885, anca se l'era pussee in l'entroterra e incoeu domà 'n tocch a l'è doperaa.

In del 1991 la NMVB, società de gestion di Ferrovij Vicinai del Belgi, a l'è spartida in du tocch a nivell linguistich, e la gestion del tram la resta a la sezion di Fiander.

Caratteristich[Modifega | modifica 'l sorgent]

El tram, a scartament metrich, el fa 67 fermaa in 67 km, cont ona frequenza minima de 10 menut e massima de 20.

In sul Leopoldkanaal a gh'è la possibilità de cambià linia, se 'l pont a l'è volzaa per fà passà i nav, per resparmià temp.

Material rotabil[Modifega | modifica 'l sorgent]

El tram classich del Kusttram a l'è el HermeLijn, gioeugh de paroll che 'l voeur dì circa "Ermeligna".

Varda anca[Modifega | modifica 'l sorgent]