Tonino Carino
|
|
Chest artícol a l'è scricc in Lumbàrt, ortograféa orientàl unificàda. |
Ol Tonino Carino (Offida, 31 de löi 1944 – Ancuna, 8 mars 2010) l’è stacc ü giurnalésta de la Rai che l’ s’è ocüpàa de spòrt e sura de töt l’à lauràt a la trasmisiù 90° minuto, ‘ndó che l’éra l’inviàt da Ascoli.
La sò éta[Modifega | modifica 'l sorgent]
L’à tacàt a fà ‘l giurnalésta in del 1969 al Resto del Carlino, pò ‘n del 1971 l’è pasàt a al Corriere Adriatico e ‘nfina dal 1976 la ciapàt a laurà a la séde regiunàl de la RAI de Ancuna.
Sèmper in Rai l’à lauràt dal 1976 per la trasmisiù 90° minuto, ndóe de sölet l’ fàa l’inviàt da Ascoli, isé l’è dientàt ü di giurnaléscc sportìf piö cognusìcc e piö simpàtech de la televisiù ach per la fadìga che ‘l fàa nel dì bé i nòm di zogadùr de fùbal istraniér, ma mia dóma per chèsto.
A la fì di agn ’90 e pò amò turna in del 2005 l’à lauràt pò per la trasmisiù sportìa de Quelli che il calcio; in del 2002 l’è stacc ü di inviàcc al Gir d'Italia.
Dal 2002 al 2003, insèma a la giurnalésta Milena Minutoli, l’è stacc l’inviàt de la trasmisiù del dòpo mesdé ciamàda Casa Raiuno e presentàda dal Massimo Giletti.
Ol sò öltem laurà l’è stacc in del 2008, in del progràma de FX "80° minuto".