Tit Capitel Trii

Quel articul chì l'è scrivüü in Lumbard, cun l'urtugrafia insübrica ünificada.

Tít

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Trii

¹Regurdaj de vèss sutamèss a puténz e auturitaa, de vèss übediént, de vèss pront a ogni bona opera, ²de biastemà nissün, de vèss no resiús, mansüètt, mussand tüta la gentiléza a tücc i vèss üman. ³Già che anca nümm una völta serum sémpi, desübediént, garbüjaa, sèrv a desidéri e a vari passiún, in de la gramögna e l'invidia, passnd la vita udiaa, udiand el vün l'alter.
⁴E quand la gentiléza e 'l bén di vèss üman del noster Salvadúr Diu l'è cumparii,
⁵no di oper che eren in de la giüstizia che nümm èmm faa,
ma segund la sua misericordia el m'ha salvaa per mèzz del bagn del nass de növ e 'l renuamént del Spirit Sant,
⁶che l'ha spantegaa föra bundantamént sü nümm per mèzz de Gesü Crist el noster Salvadúr,
⁷perchè, despö che sèmm faa giüst per chèla grazia,
devegnum ered de la vita etèrna segund la speranza.
⁸La parola l'è fedéla: mì vöri che te dee cunfèrma furtamént anca sü chèstcoss, perchè quij che hann credüü in de Diu ciapen cüra a mèttes sura i bonn oper; chèstcoss hinn bonn e ütil a i vèss üman. ⁹Ma schiva criad lucch, genealugí, cuntés e racul de la lég, già che hinn inütil e van. ¹⁰Refüda un persona che 'l fa divisiún despö vöna e dò visad, ¹¹già che te savet che una tal persona l'è pervers e la peca, cundanandus.
¹²Quand te mandi Artema o Tichich, da diligénza a vegnì a mì a Nicopuli, già che huu decidüü de passà l'invèrn là. ¹³Manda in de viagg in de prèssa Zena, el dutúr de la lég, e Apoll, perchè 'l manca nagott a lur. ¹⁴Imparìen anca i noster a mètes sura i bonn oper per i besogn necessari, perchè sien no sénza frütt.
¹⁵Te salüden quij che hinn cun mì. Salüda quij che me vören bén in de féd.
La grazia la sia cun tücc vialter.

Navigaziun

• ← Indree a Capitel Düü
• Inanz a Filémun →
• A l'indes