Tegnì (agricoltura)

De Wikipedia
Lumbard ucidental Quest articol chì l'è scrivuu in lombard, grafia milanesa.

In agricoltura el tegnì l'è l'inviada al fruttì, o ben la fase iniziàl del svilùpp di frutt che la ven dòpo de la fioridura. A l’è vun di moment pussée important del svilùpp del futùr raccòlt.

La rappresenta el rappòrt infra el nùmer de frutt che ne vegnen foeura di fior fecondàa e quèll de tucc i fiór che gh’hinn in su la pianta al prencippi de l'antesi (fioridura); la pò vèss ancasì considerada ‘me on bon ìndes del lavorà del procèss del mètt la polverinna e insèma a quèll de la fecondazion. La consist ind la fecondazión e ind la crescita de l’ovari che la ven de conseguenza e la formazion de la somenza che la favorìss la crescita del frùtt. L’è la càosa de la crodada fisològica che la servìss de regolànn el nùmer. La pò vèss calcolada e considerada in del cors de trii perìod: quèlla iniziàl, o ben dòpo 10 de la fioridura, quèlal de mèzz, dòpo la fin de la crodada fisiològica e quèlla a la fin de la raccòlta.

La fase adrée a la maduranza del frutt l’è la veggiura