Taraxacum officinale
![]() |
Chest artícol a l'è scricc in Lumbàrt, ortograféa bresàna moderna. |
Taraxacum officinal Weber ex F.H.Wigg. | ||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | ||||||||||||||||||||||||
Classifigazion sientífiga | ||||||||||||||||||||||||
| ||||||||||||||||||||||||
Nomm binomial | ||||||||||||||||||||||||
Taraxacum officinale Weber ex F.H.Wigg. |
El Taraxacum officinale Weber ex F.H.Wigg. (en Bresà: sicória o segórgia o pisacà) l'è 'na piànta erbàcea de la famìa de le Asteraceae. L'è 'na èrba de ciós che se tróa facilmènt e che la vé catàda sö suratöt en primaéra per dopràla 'n cuzìna come èrba còta o crüda 'ndèle 'nsalàte.
Descrisiù
[Modifega | modifica 'l sorgent]L'è 'na piànta anöàla i perène condèna raìs primària e 'na rozèta bazàl, de altèsa rar la rìa a 40-50 ghèi. La g'ha fòie altèrne, sènsa gambì diferensiàt, pinnapartìde coi lòbi a fùrma triangolàr e òrli dentàcc e acùti. El gamp del fiùr l'è öt. I fiùr, ermafrudìcc, de culùr zalt doràt i la rènt fàcil de conóser. La coròla la prezènta dèle lìgule (tìpiche de sèrte categurìe de asteraceae) che le fenés con sich dintì picinì. El fröt l'è 'n achénio dotàt de pàpo.
El Taraxacum officinale l'è difundìt en töcc i cuntinèncc e se 'l tróa facilmènt en bànda ai sentér, endèi pràcc, ma apò a 'ndèi giardì, tat che i giardiniér de spès i la cunsìdera 'n èrba 'nfestànta.
Apicültüra
[Modifega | modifica 'l sorgent]L'è giöna de le spéci principài de la flòra de 'nterès apìcol endèle praterìe. le àe le ghe fà vìzita ontéra ai sò fiùr che i dà 'na bùna quantità de nètare e pòline. Per vìa de la sò distribusiù cosmopolìta, l'è cunusìda dei apicultùr de töt el mónt.
![](http://upload.wikimedia.org/wikipedia/commons/thumb/1/19/Graine_pissentit_Luc_Viatour.jpg/200px-Graine_pissentit_Luc_Viatour.jpg)
![](http://upload.wikimedia.org/wikipedia/commons/thumb/d/d3/A_Taraxacum_Ruderalia_dandelion_clock.jpg/200px-A_Taraxacum_Ruderalia_dandelion_clock.jpg)
Varietà
[Modifega | modifica 'l sorgent]- Taraxacum officinale var. alpinum Koch
- Taraxacum officinale subvar. dissectissimum Koidz.
- Taraxacum officinale var. dissectum Schinz & Thell.
- Taraxacum officinale var. kalbfussi Sch.Bip.
- Taraxacum officinale var. lividum Koch ex A.Gray
- Taraxacum officinale subsp. paludosum Schinz & R.Keller
- Taraxacum officinale var. paludosum F.W.Schultz
- Taraxacum officinale var. palustre Benth.
- Taraxacum officinale var. parvula Hook.f.
Sinònim botànich
[Modifega | modifica 'l sorgent]Colegamèncc estèrni
[Modifega | modifica 'l sorgent]![](http://upload.wikimedia.org/wikipedia/commons/thumb/4/4a/Commons-logo.svg/37px-Commons-logo.svg.png)