Strada statal 35 di Giov
|
Quest articol chì l'è scrivud in lombard, con la Noeuva Ortografia Lombarda |
La Strada statal 35 di Giov a l'è 'na strada statal d'Italia longa 172,8 km. La gh'ha el so principi in del quarter de Sampierdarena, a Genoa, e la riva fina a Com, al confin con la Svizzera a Pont Ciass. In tra Tortona e Castesg la corr insema a la strada statal 10 Padana de Sota, menter la trata in tra Milan e Cermenaa a l'è una superstrada, ciamada Milan-Meda.
Fada su in del 1928, in del 1998 a l'è passada de l'ANAS ai region Liguria, Piemont e Lombardia, che hann passad i competenze ai province, desgià che gh'hann no la classifegazzion de strada regional. In del 2018 la trata ligurina a l'è metuda ancamò in la trata de importanza nazzional e in del 2021 la trata piemontesa e 'n tochell de quella lombarda la torna sota competenza ANAS. I trate ANAS e de importanza nazzional a inn ciamad 'me strada statal, menter quella lombarda l'è classifegada 'me "strada provincial ex-strada statal" (SP ex-SS 35).
La gh'ha do diramazzion: vuna che la conliga la provincial a la Certosa de Pavia (SP ex-SS 35 dir) e vuna che la conliga Serravalle Scrivia a la Padana de Sora, e la fa de tangenzial per Novi Ligure, e inscì la permet de rivà fina a Milan o a Lissandria.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Strada statal 35 di Giov
