Stramm
El stramm o anca patusc, falett, starnumm, lett l'è ona parolla che l'indica in gener l'erba ranzada via e seccada, che la pò vess doperada per vari lavorà.
A l'è otegnuu comè prodott secondari de vari coltur e piant spontani.
Se l'è stobbia del forment o de alter cereai che resten in del camp dopo la battidura, quell'erba secca chì la ven doperada despess comè mangià per i besti, o tant 'me lettera; in quell cas chì però poeuden vess doperaa anca alter vegetai meno pregiaa.
El stramm el ven doperaa per impajà i cadregh, fà su di cavagn, gerli, bors, scov o ogett decorativ. In certi zonn pover del mond l'è doperaa per fà su i tecc o adirittura i cabann.
El nomm[Modifega | modifica 'l sorgent]
La parolla stramm la vegn del latin stramen, derivaa del verb sternĕre, che 'l voeur dì "destend"[1]. L'è doperaa anca in italian, anca se in toscan se dopera soratutt el termen patto o impatto[2].