Sima Rest

Chest artícol a l'è scricc in Lumbàrt, ortograféa orientàl unificàda.

Chèll articòl ché l'è adóma ü sbòss. Se vóter sì bù de mètega dént vergót de piö, preocüpès mia e próega. Issé de ìga ön'idéa de töcc i óter sbòss, ardì qé.

Chèlla us ché la gh'ha mia di foncc o i è tròp póche. Per piasér, zónta di fóncc a la us. Issé de ìga ön'idéa di ótre us senza fóncc, ardì ché.

Sìma Rèst (nòm uficiàl en italià: Cima Rest) l'è 'na frasiù del cümü de Magàza, en pruvìncia de Brèsa. L'abitàt el se tróa sönden altipià a 1260 méter s.l.m. ai pè de la Tombèa e del Caplù.

Le abitasiù i è bastànsa sparnegàde sö l'altipià e chèle tradisiunàle le g'ha la caraterìstica de ìga el tèt fàt de 'n strat spès de pàia, fàda de gamp de 'na sórt cultiàda endèla zòna de formét. La custrusiù l'è particolàr, i mür i è bèi spès e de préda, e le fàlde del tèt i è 'n bèl pó piö rìpide de chèle dei tècc tìpich de l'Itàlia setentriunàla. I è cazète strütüràde sö du pià: de sóta gh'è la stànsa col camì endóche stà 'l contadì, la stànsa dedicàda a la stagiunadüra dei formài e la stàla per le àche. El pià de sùra l'è dopràt come finìl, difàti chèste cazète i è cunusìde col nòm de "finìi de Sima Rest". 'Na bràca de chèsti finìi i è stacc adibìcc del cümü de Magàza a strütüre türìstiche che se pöl afità per quach dé o setemàne. 'N óter de chèsti finìi l'è dopràt come muzèo etnogràfich de la Alvistì.

Póch delóns del cèntro e del muzèo gh'è apò a 'n oservatóre astronòmich gestìt de l'Asociasiù dei Astòfii de Salò.