Sighignoeula

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
La Sighignoeula l'è 'l mont in primm pian

La Sighignoeula (Sighignola) l'è ona montagna di Prealp Luganes alta 1302 meter.
La se troeuva al confin tra l'Italia (Provincia de Comm) e la Svizzera (Canton Tisin) e l'è tra i comun de Lanz (indove la gh'è la scima), Arogn e Lugan.
Come posizion, podom dì che la Sighignoeula l'è in mezz tra el Lagh de Comm e 'l Lagh de Lugan. El versant italian l'è ben pussee dolz e boscos, menter quell svizzer el se troeuva proppi in sù la riva del Ceres e per quest l'è ripid e scosces, cont on deslivell de 1.000 meter in d'on soll colp.
De la scima de la montagna, oltra che Lugan e 'l sò lagh (del belvedè ciamaa Balcon d'Italia), se poden vedè on fracch de Alp (anca el Mont Rosa e 'l Cervin).