Santa Giuliana

De Wikipedia
Lumbard ucidental Quest articol chì l'è scrivuu in lombard, grafia milanesa.
On'ancona ortodossa de Santa Giuliana.

La Giuliana (Cuma, 285- Nicomedia, 305 ca.) l'è stada ona martira cristiana ai temp de l'imperador Massimian.
L'è venerada 'me santa de la Gesa Catolega, e l'è regordada el 16 de febrar.

Vita[Modifega | modifica 'l sorgent]

Nassuda in Campania, l'era de fameja pagana, ma la s'è convertida al cristanesim. L'è stada promettuda al prefett de la città, ma lee la miss 'me condizzion per sposass che anca el marì el se convertiss a la religion cristiana. Alora l'è stada denonziada del sò fidanzaa, processada e condannada a mort. Lee l'ha refudaa de bandonà la soa fed, e donca gh'hann tajaa el coo. Se dis che l'è stada mazzada a Nicomedia, perchè al temp l'era vuna di sedi imperiai, e l'è staa de lì che 'l Massimian l'ha inviaa a perzepità i cristian.

Culto e tradizzion popolar[Modifega | modifica 'l sorgent]

L'è la patrona di malaa e di donn che hinn in compra. Inoltra, in de la zona lombarda, l'è patrona de el Borgh (NO) e de Caponagh. L'è regordada in d'on proverbi, che 'l dis:

«A Santa Giuliana salta la rana per la piana»

che 'l voeur dì che el 16 de febrar ormai el fregg pussee dur l'è balcaa, e i besti tornen a girà per la campagna.