San Gioann

De Wikipedia
Lumbard ucidental Quest articol chì l'è scrivuu in lombard, grafia milanesa.
Litratt de San Gioann.

El Gioann (gregh: Ἰωάννης; Betsaida, 10 - Efes, 98-99) l'è staa vun di apostoi del Signor.
La tradizzion la dis che l'è staa anca l'autor de vun di Vangeli canonegh, e per quest ghe disen anca "evangelista".
A l'è vun di apostoi pussee present in di Vangeli, e l'è consideraa vun de quei pussee vesin a Gesù - l'unegh di Dodes a stà insemma al Signor intant che 'l moriva in cros.
Oltra al Vangeli, se cred che l'abbia scrivuu olter quatter test del Noeuv Testament: i tre letter de Gioann e l'Apocaliss. Per la perfondità di sò test, el vegna ciamaa el "teolegh" per zelenzia. In tra i sò simboi a gh'è l'aquila, proppi perchè l'è vuna di besti che la ved pussee lontan e mej.
L'è veneraa 'me sant de tucc i Ges che acetten el culto di sant. La Gesa Catolega le regorda el 27 de dicember, duu dì dopo Nedal.