Samoa
|
|
Quel articul chì l'è scrivüü in Lumbard, cun l'urtugrafia insübrica ünificada. |
Samoa a l'è un paes de l'Uceania.
A l'è faa de la part ucidentala del rosc de isul di isul Samoa, a metà strà intra la Növa Zelanda e i Hawaii.
La part urientala del rosc de isul la se ciama Samoa Americann e l'è un pussediment di Stat Ünii d'America.
La gh'ha una süperfiss de 2.831 km² e una pupulaziun de pressapoch 215.000 abitant.
La capital a l'è Apia.
Storia muderna
[Modifega | modifica 'l sorgent]El rosc di isum Samoa a l'è staa spartii, in del 1899, intra la Gërmania e i Stat Ünii.
In del 1914 la Növa Zelanda l'ha ucüpaa la part tudesca e l'ha ministrada fina al 1962, quand che l'ha utegnüü l'indipendenza cunt el nom de Samoa Ucidentaj. In del 1997 l'ha müdaa el nom in Samoa.
Lenguv ufiziaj
[Modifega | modifica 'l sorgent]Samoa la gh'ha dò lenguv ufiziaj: el samoan e l'ingles.
Sport
[Modifega | modifica 'l sorgent]El sport naziunal a l'è 'l rugby.
La squadra naziunala (cunt el suranom Manu Samoa) l'ha partecipaa a quater Campiunaa del Mund e l'è intra i 12 püssee fort al mund.
Urganizaziun pulitiga
[Modifega | modifica 'l sorgent]Samoa (nom ufizial: Malo Sa'oloto Tuto'atasi o Samoa / Independent State of Samoa) a l'è una repübliga.
El cap del stat (el sò titul in samoan a l'è O le Ao o le Malo) a l'è el Va'aletoa Sualauvi II (del 2017).
El prim minister a l'è el Naomi Mata'afa (del 2021).