Sém (Co de Put)

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
Panorama di Pescarzo, Cemmo e Capo di Ponte (Foto Luca Giarelli).jpg

Sém (nòm uficiàl en italià: Cemmo) l'è 'na frasiù del cümü de Co de Put, en Val Camònega, pruvìncia de Brèsa, che g'ha presapóch 600 abitàncc. La se tróa a piö o méno 400 méter sùra 'l leèl del mar, sö la spónda dèstra del fiöm Òi, ai pè de la Naréna.

L'ìa séde de giöna de le piéf stòriche de la Al Camònega, co la sò cizulìna, fondàda, alméno endèla sò fùrma de adès, endèl sècol XI e dedicàda a San Sir.

Sém l'è apò a séde del "Parch Archeològich Nasiunàl de le Córne de Sém" (uficialmènt: "Parco Archeologico Nazionale dei Massi di Cemmo") endoche gh'è conservàt en nömer emportànt de inciziù, testemognànsa de la prezènsa umàna endèl sit a pàrter del mezolìtich antìch.