Reforma di pension Fornero

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
La sciora Fornero al giurament

La reforma di pension Fornero, anca domà reforma Fornero o, impropriament, legg Fornero, a l'è la manera de riferìss a l'articol 24 del decrett legg 6 dicember 2011, n. 201, ciamaa "Disposizion in materia di trattament pensionistegh", che l'ha reformaa el sistema pensionistegh italian, ciamada inscì de la proponenta, la ministra Elsa Fornero.

Storia[Modifega | mudìfica 'l sorgènt]

El period istoregh de la reforma a l'è staa quell de la crisi di subprime americana che la s'è spantegada in Europa, soratutt in di Stat cont on volt debit compagn de la Grecia e de l'Italia. La reforma, scrivuda in d'on quaj dì in d'ona situazion de emergenza, l'ha sostituii la reforma di pension Dini, cont l'obietiv de rend el sistema pensionistegh publegh pussee sostenibil in del longh period.

La reforma a l'è stada votada di partii che sostegniven el governo Monti, cioè el Partii Democrategh, el Popol de la Libertà, l'Union de Center e Futur e Libertà per l'Italia, han votaa contra inveci la Liga Nord e l'Italia di Valor.

L'insemma di decrett ch'han mittuu 'sti normi a hinn staa ciamaa "Salva Italia", perchè gh'even l'obietiv de impedìgh ai cunt publegh italian de andà in default.

Disposizion[Modifega | mudìfica 'l sorgènt]

La reforma l'ha previst:

  • L'aument de l'età de giubilazion de veggiaia: Almen 20 agn de contributt e 66 agn per i òmen e i donn, de la publega ministrazion, o 63 per i donn, che del 2018 el s'è volzaa a 66 agn per tucc
  • El passagg al sistema contributiv anca per di pension che, cont el sistema Dini, eren calcolaa cont el retributiv
  • Abolizion de la pension de anzianità, sostituida de la pension anticipada, che la se ciappa a 41 agn e 3 mes de contributt per i donn o 42 agn e 3 mes per i omen
  • Adeguament a l'aspetattiva de vita ogni 2 agn inveci che trii
  • Reduzion de 18 ai 12 mes de "fenestra" per i lavorator autonom

Costituzionalità[Modifega | mudìfica 'l sorgènt]

In del 2015 la Cort Costituzionala l'ha deciaraa incostituzional el tocch de la reforma che 'l stabiliva che i pension pussee gross del triplo de la pension minima fussen minga perequaa, ciovè adattaa al cost de la vida.

Reform[Modifega | mudìfica 'l sorgènt]

In del 2013 on referendum parpognuu di Comunista Italian e de la Refondazion Comunista a l'è minga ammess degià che 'l president l'eva giamò desligaa i Camber.

In del 2015 la Cort Costituzional l'ha deciaraa inammissibel el referendum parpognuu de la Liga Nord perchè "legg de belanz".

In del 2019 el governo Conte I el mett la Quotta 100, che la permett a quej che ghe fann domanda de sortì prima de lavorà se gh'han di caratteristegh determinaa, ma senza superà el rest del sistema ideaa de la Fornero.

Riferiment[Modifega | mudìfica 'l sorgènt]

Vos corelaa[Modifega | mudìfica 'l sorgènt]