Red di tram de Cagliari
La red di tram de Cagliari a l'è ona red de tram che la quatta i comun de Cagliari, Monserrato e Settimo San Pietro.
Da l'avril 2015 a gh'è la segonda linia, recavada de la ferrovia Cagliari-Isili e del destinà de ona part de la ferrovia al tram.
Storia
[Modifega | modifica 'l sorgent]Dopo che la linia storica de Cagliari a l'è stada sarada, in di agn 1990 a l'è tornada l'esigenza de 'vègh el tram in città per miôrà la viabilità. A mità di agn 1990 ai Ferrovie della Sardegna a l'è daa el compit de presentà el progett, che l'è daa in del 1996.
Domà a genar 2003 però a l'è approvaa offizialment e l'è finanziaa de la Region e de l'UE per 33 milion de Euro.
A giugn 2004 scomincia el lavorà per la linia 1, che 'l finiss in del 2007. L'è inaugurada el 17 de marz 2008.
In del 2012 scomincia el lavorà per la segonda linia, finida in del 2015.
Caratteristich
[Modifega | modifica 'l sorgent]
La Red a l'è elettrificada a 950 V CC e per la pupart del tragitt a binari unich, de scartament 950 mm, che 'l permett de ligàss ai Ferrovie della Sardegna.
La tratta recavada de la linia ferroviaria a l'è intregament in sed propria, inveci i tratt faa su recentement a hinn in viadott. I intersezion cont el traffich a hinn regolaa cont l'asserviment semaforich.
La linia 2 la percorr per 4 chilometer la ferrovia Cagliari-Isili, e donca a l'è on sistema de tram-treno.
Material rotabil
[Modifega | modifica 'l sorgent]
El tram doperaa a l'è de la Škoda, el Škoda 06 T, che ghe n'è 9. A hinn in progettazion 3, cont opzion per 6, tram articolaa de la Construcciones y Auxiliar de Ferrocarriles.
Bibliografia
[Modifega | modifica 'l sorgent]- Rossano Lai, Metrotranvia a Cagliari, "I Treni", 2005, 273, pp. 21–25.
- Una rete di metrotranvia per l'Area Vasta di Cagliari (PDF). Regione Autonoma della Sardegna, 01-02-2008. URL consultad in data 03 febbraio 2008.
- Accordo di programma per la metropolitana dell'Area vasta di Cagliari (PDF). Regione Autonoma della Sardegna, 23-05-2008. URL consultad in data 03 settembre 2008.
- Descrizione delle modalità di circolazione del sistema Tram - Treno (PDF). ARST. URL consultad in data 25 gennaio 2014.