Rì (Sónech)

De Wikipedia

Chest artícol a l'è scricc in Lumbàrt, ortograféa orientàl unificàda.


L'abitàt de Rì

(nòm uficiàl en italià: Rino di Sonico) l'è 'na frasiù del cümü de Sónech. L'è sitüàda endela part de mès de la Al Camònega, en Pruìncia de Brèsa, a presapóch en chilòmetro a sud del cèntro comünàl. Rì 'l g'ha piö o méno 250 abitàncc e 'l se tróa a 670 méter söl leèl del mar. L'abitàt l'è tocàt de du torèncc: el Remül e 'l Ràbia, töcc du aflüèncc de mansìna del del fiöm Òi. Le àive del Remül i è stàde sfrötàde per divèrsi sècoi per alimentà le fuzìne per la laorasiù del fèr. Rì l'ìa famùza per la prudusiù de ciócc.

Del pónt de vìsta de l'aministrasiù religiùza, la sò comunità l'è stada istitüìda en paròchia zamò 'ndel 1630. La sò céza l'è dedicàda a Sant'Antóne abàte.