Prevalenza nètta de aspirazion positiva

Quest articol chì l'è scrivuu in lombard, grafia milanesa.

La prevalenza nètta de aspirazion positiva (NPSH- “net positive suction head” in lengua inglesa) a l'è la differenza infra la pressión ind on cèrt pont d'on circùit idràulich e la pressión de vapór del flùid, esprèssa in meter che la gh’hà de esìst al fin de fa minga succéd di fenòmen de cavitazión.

L’NPSH el ven donca definida inscì:

$NPSH={\frac {(P_{1}-P_{v})}{\rho \cdot g}}$

indoe:

P₁ a l’è la pression in corrispondenza de la pompa;

P_v a l’è la pression de vapor satur de l'acqua

Ρ a l’è la densità de l'acqua e la var circa 100 kg/m3;

g a l’è l’accelerazion de gravità e la var pressappòch 9,81 m/s².

Elpont indoe l'è pussée fàcil che la capita la cavitazion l'è la bocca de aspirazion di pomp. La pression del flùid in corrispondenza de la pompa la pò vèss trada foeura per mèzz del teorema del Bernoulli, quant a la pressión de vapor satùr del’acqua inveci a gh’hinn di fórmol empìrich (varda ► pression de vapor satur de l'acqua).

Verifica de l'NPSH per i pomp

Al fin che che la succeda nò la cavitazión el gh’hà de vèss:

$NPSH(a)>NPSH(r)$

NPSH(r) a l’è l’NPSH che gh’è besògn, anca ciamàa “depression dinamica totál”:

$NPSH_{r}={\frac {v^{2}}{2g}}-\Delta H_{p}$

indoe:

v a l’è la velocità in del ramm de aspirazión de la pompa (in m/s);

∆H_p a l’è la crodada de la pressión a l’entrada de la palettadura (in meter de càregh idràulich).

NPSH (a) a l’è invece l’NPSH disponìbil che ‘l ven calcolà per mèzz del teorema del Bernoulli, per esempi in del caso che la pompa l’aspira d’on serbatòi a superfice lìbera:

$NPSH(a)={\frac {P_{o}}{\gamma }}-H_{a}-{\frac {P_{v}}{\gamma }}-H_{w}$

indoe:

Po l’è la pressión superficiàl del lìquid, esprèssa in Pascal; in del caso che Po l’è la pressión atmosferega P/γ=10,33m

H_a a l’è el dislivèll infra la bocca de aspirazion e la superfice libera in del serbatòi de indoe el lìquid el ven apiràa de la pompa (in meter) e l’è positiva in del caso che la pompa la staga sora el serbatòi, diversamént negativa;

γ a l’è el pes specifich de l’acqua γ=ρg in N/m3

P_v a l’è la pressión de vapor satur de l’acqua, o ben la pressión del passagg de stat de l’acqua a la temperadura del flùid in Pascal

H_w hinn i pèrdit de càregh idràulich in del tratt de aspirazión (in meter).

Se ved che el problèma de la cavitazión a l’è on lìmit a l’altèzza massima de aspirazión H_a, con l’aumént de la temperadura del flùid el se redùss l’NPSH (Ha) e donca la massima altèzza de aspirazión ammissìbil per fa nò succèd la cavitazión.

Vos correlad

• Cavitazion
• Pompa