President de la Lombardia

De Wikipedia
Lumbard ucidental Quest articol chì l'è scrivuu in lombard, grafia milanesa.
Attilio Fontana, incoeu President de la Lombardia

El President de la Lombardia a l'è l'autorità suprema de la Lombardia, elegiuda ogni 5 agn a suffragi universal dirett.

Elezion[Modifega | modifica 'l sorgent]

Dal 1970 al 1995 el President a l'era elegiuu dal Consili Regional, da quell ann la Lombardia l'ha scernuu on sistema semipresidenzial indova el candidaa che 'l ciappa pussee vot di alter l'è elegiuu President cont on premi de maggioranza. A l'è ligaa de 'n dobbi rapport de fiducia cont el Consili: Se el Consili el desfiducia el President o se 'l President el se dimett o el moeur borlen giò tucc e du e gh'è 'na noeuva elezion.

Poder[Modifega | modifica 'l sorgent]

El President el promulga i legg e i regolament de la Region, el pò insubìnn di noeuv, vist che l'è member del Consili regional de la Lombardia. El pò nominà finna a 16 assessor e a 4 sotta-segretari, che 'l jutten in di sò fonzion ma che, offizialment, dividen no la Region in pussee assessoraa 'me che 'l Stat a l'è dividuu in pussee ministeri. La Gionta, de che l'è capo, la insubiss el belancc de la Region e di sò aziend, la desviluppa i sistema de governo e la pò recorr a la Cort Costituzionala se la pensa che 'na legg del Stat la pò vess contraria ai poder de la Region.

Vos corelaa[Modifega | modifica 'l sorgent]