Premiata Forneria Marconi

Quel articul chì l'è scrivüü in Lumbard, cun l'urtugrafia insübrica ünificada.

La Premiata Forneria Marconi, cugnussüda anca cume PFM, l'è un grupp müsegal rock progressiv talian che l'ha avüü una grand riüsida ind i ann setanta, sia in Italia sia a nivel internaziunal (in Gran Bretagna, ind el Nord America, ma anca in Giapun). In tra i grupp talian rock progressiv de chel temp (Banco del Mutuo Soccorso, Stormy Six, Osanna, Acqua Fragile, The Trip, Goblin, Area, Perigeo, Le Orme, Opus Avantra, New Trolls), l'è staa, insema anca a i Area, vön di poch grupp talian a vegh sücess denter e föra i cunfin naziunai. L'è staa pöi l'ünegh grupp talian a vegnì dent ind la clasifega top100 de la celeber rivista 'merigana Billboard^[1]. Müsigalment imparentada cunt grupp cume i Genesis, la part rock progressiv de i Pink Floyd o i prim King Crimson e Gentle Giant. Tra l'olter ha savüü müdà el so stil anca ind i ann apus anca per el volt nivel artistegh e müsegal de i so member.