Potentilla nitida
|
|
Chest artícol a l'è scricc in Lumbàrt, ortograféa orientàl unificàda. |
| Potentilla nitida | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Potentilla nitida L. |
Potentilla nitida (L.) l'è 'na piànta erbàcea a portamènt prostràt che fà part de la famìa botànica de le Rosaceae.
L'è 'na piànta erbàcea de dimensiù pesène che càmpa divèrsi agn. La raìs l'è a ficù, el gamp bazàl l'è lignùs e prostràt, l'è töta cuarciàda zó de pelüria fìna fìna, i gambì i è cürcc e peluzècc pò a chèi.
Le fòie i è furmàde de trè fuiulìne obovàde, cuarciàde zó de pilizì sitùs sö töte dò le fàce, e sö l'òrlo le g'ha dei dintì gös.
El fiùr l'è ròza o biànch, de 2 ghèi o 2 ghèi e mès de diàmetro. El gambì del fiùr l'è cürt, el càles el g'ha dei dintì lanceolàcc che tìra al rós. I pétali i è 5 e i g'ha fùrma obovàda coi àpici redóncc semi-lobàcc. I stam i è tànce e i stà sö dei filamèncc biànch, le antére i è scüre, en stil per ògna carpèl.
El fröt l'è 'n ensèma de acheni. La vé sö dei 1500 ai 2500 méter s.l.m., sö préde calcàree. Se la tróa 'n Lombardia, 'n Trentì, 'n Friùli, 'n Vèneto, e 'ndèl Abruzzo.
