Pim Fortuyn
El Pim Fortuyn (nomm complett Wilhelmus Simon Petrus Fortuijn, Velsen, 19 de febrar 1948 – Hilversum, 6 maggio 2002) a l'è staa on politegh olandes.
Biografia[Modifega | modifica 'l sorgent]
El Pim Fortuyn l'ha studiaa sosciologia a la libera università de Amsterdam e l'è staa assistent universitari a Rotterdam e a Groningen.
A l'è staa member del Partii Socialista e l'ha provaa a 'ndaggh dent in del Partii Comunista e in del Partii del Lavorà e l'ha poeu fondaa la Lista Pim Fortuyn, lista nazionalista liberal, conservatris liberal e anti-islamista, definida de estrema destra de 'na quaj lista avversaria ma refudada de lu.
El Fortuyn l'è staa copaa in del 2002 del Volkert van der Graaf, estremista animalista e ambientalista.
Idej[Modifega | modifica 'l sorgent]
Fortuyn a l'era deciaratament omosessual e donca a favor di diritt gay e contra di idej de valor de la fameja di partii de estrema destra, de che l'era sossenn svesinaa di avversari. De la soa part, inveci, el mostrava de vess pussee arent a la politega liberala internazionala, 'me quella del John Fitzgerald Kennedy e del Silvio Berlusconi. L'era famos per i sò opinion contra l'Islam, per lu religion che l'avaria obligaa a fà anmò el cammin de emancipazion di donn. La sova ideja politega, ciamada Fortuynism, a l'è sintetizzabil in d'on ideja liberalista, republegana, secolarista, per la deregolamentazion fiscala, la democrazia diretta, scettega in su l'impiant burocrategh de l'UE e contraria a l'Islam, perchè a favor di diritt civij e di donn.
Riferiment[Modifega | modifica 'l sorgent]
Alter progett[Modifega | modifica 'l sorgent]
Wikimedia Commons el gh'ha dent imagin o alter archivi su Pim Fortuyn
