Piero Parini
|
Quest articol chì l'è scrivud in lombard, con la Noeuva Ortografia Lombarda |
El Piero Parini (Milan, 13 de november 1894 - Aten, 23 de avost 1993) a l'è stad un politegh, prefet e militar italian, podestà de Milan del 1943 al 1944.
Fioeul de 'n ispetor di ferrovie, l'ha fad la Granda Guerra cont el Gabriele D'Annunzio, e gh'è andad dree in l'Impresa de Fiume e l'ha aderid al fascismo fin del principi. Grazzia al so savé di lengov l'è mandad a fà carrera diplomatega, in del 1935 el va in guerra in Africa e in del 1941, quand che l'Italia l'ha invadud la Grecia, l'è nomnad comissari civil di Isole Jonie.
Con la Republega Social Italiana l'è nomnad podestà de Milan e 'l lanzia un prestit de 1 miliard de Lire, che in principi i partigian voreven pagà no indree ma poeu, in su volè di Liad, hann pagad, in del 1944 l'è nomnad capo de la Provincia e, insema al Vincenzo Costa, el se met a fà di mense publeghe a bass cost. El se retira del fascismo perchè contrari ai rapresaje.
Finida la RSI, l'è processad per collaborazzionism, indova che di partigian ghe testimonien a favor, e l'è condanad a 8 agn e 4 mes e dopo de 'n recors a la Cassazzion, l'è processad de la Cort d'Assisa de Vares e condanad a 3 agn, squasi tucc scassad de l'amnistia Togliatti. L'ha poeu lavorad 'me dirigent d'azienda in Sudamerica e l'è tornad a Milan, indova che l'ha fad el consejer comunal cont el Moviment Social Italian. L'ha passad i darrer agn de la soa vita a Aten, con la segonda mier.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Piero Parini
