Piéf (Consés)
|
|
Chest artícol a l'è scricc in Lumbàrt, ortograféa orientàl unificàda. |
La Piéf l'è 'na frasiù del cümü de Consés, en Pruvìncia de Brèsa. L'è la séde del aministratìva del cümü.
El nòm el testemógna la prezènsa de 'na piéf antìca, dedicàda a Sant Antunì Màrter de Piacènsa e la gh'ìa sóta la sò 'nflüènsa en teretóre bastànsa grant; de Cogós (frasiù del cümü de Vìla Carsìna al cunfì col cümü de Sarès 'nfìna a la Cà d'Ésem cioè chèla che al dé d'encö l'è cunusìda come La Stochèta, frasiù a sud del cümü, mèza sóta Consés e mèza sóta Brèsa, e la tölìa dét pò a San Vigìlio, Cobiàt, Boès, Vìla, Prègn, Cailìna e Carsìna. Per vìa de la sò prusimità a la cità l'è fàcil che chèsta piéf la sàpe stàda fondàda entùren al sècol IX, se pènsa endèn sit de cùlto che izistìa zamò, fórse un vècc "oratorium"[1]