Peter Sagan

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
El Peter Sagan del 2016

El Peter Sagan (Žilina, Slovacchia, 26 de sgenee 1990) a l’è on ciclista su strada slovacch, ch’el corr del 2017 in de la squadra World Tour todesca Bora-Hansgrohe. A l’è el campion del mond su strada di agn 2015 e 2016.

El sò fradell Juraj a l’è anca luu corridô professionista, e ‘l corr anca luu in la Bora-Hansgrohe.

El Sagan a l’è intra i corridô attiv pussee vincent: intra i sò success pussee important a gh’hinn duu Campionaa del Mond, dò tapp de la Paris-Nizza, trii tapp de la Tirreno-Adriatico, vuna al Gir de Romandia, dò - e la vittoria generala - al Gir de Polonia, on record de tredes tapp al Gir de Sguizzera, e quindes tapp - alter record - e vittoria generala al Gir de California.
In di trii Grand Gir, l’ha vengiuu sett tapp al Tour de France e quatter a la Vuelta a España; semper al Gir de Francia l’ha anca vengiuu la classifega a punt in cinch agn de fila, del 2012 al 2016, e l’è inscì devegnuu el primm corridô a veng questa classifega chì in tucc i sò primm cinch partecipazion al Tour.
In di Classegh, l’ha vengiuu dò edizion de la Gent-Wevelgem, ona E3 Harelbeke, e ona Classega Monument, el Gir di Fiander del 2016.

Prima de scomincià del 2009 a corr coma professionista su strada, a l'era anca on corridô de mountain bike, dova l'ha vengiuu el Campionaa del Mond Junior del 2008.