Perito Moreno

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa ünificàda Lombard oriental

Ol Perito Moreno l’è ü giasér de l’Argentina che 'l se tróa ‘n del parch nasiunàl de Los Glaciares in de la pruìnsa de Santa Cruz in de la Patagonia argentìna.

Ol frònt del giasér

Ol nòm[Mudifega | mudìfica 'l sorgènt]

L’è stài ciamàt Perito Moreno in unùr del Francisco Moreno, ün esploradùr argentì del sécol XIX, che l’éra ün espèrt, cioè ü perito ‘n spagnöl, de la Patagònia.

I sò mizüre[Mudifega | mudìfica 'l sorgènt]

L’è lónch 30 chilòmeter, l’è grant piö o méno 250 chilòmeter quadràcc e l’è spès 170 méter, 70 de chès-ce i è sùra 'l lièl del lach Argentì, dezà che la particolarità del Perito Moreno l’è pròpe chèla de finì 'n del lach Argentino.

Ol Perito Moreno dò setimàne prìma de s-cepàs in del 2004

Ol giasér e ‘l lach[Mudifega | mudìfica 'l sorgènt]

A belàze 'l giasér 'l và ‘nacc e 'l ghe traèrsa fò la stràda al làch, 'l la tèa ‘n dù; de la bànda a mut l’àqua, che la rèsta seràda dét dal giasér e la ghe rìa mia a 'ndà vià, la crès de lièl, 'nfìna a rià a 30 méter sùra ‘l lièl normàl del lach. Isé, sóta 'l pis de l’àqua, ol giàs a l’ se s-cèpa e l’àqua a la fì la ghe rìa a scapà fò da chèsta dìga de giàs: l’è ü spetàcol de èt.

Ol Perito Moreno l’è öna gran atrasiù per i türisti, dezà che l’è bèl grant, l'è belfà giràga sùra pò a pé e l'è adóma a dò ùre de coriéra da El Calafate.

Ol sit[Mudifega | mudìfica 'l sorgènt]

http://glaciar.santacruzpatagonia.gob.ar/