Peg DHCP
Peg DHCP a l'è on sistema normaa de la RFC 2322 per implementà on sistema DHCP a man indova a l'è mìnga possibil fàll cont i mezz informategh, cont di molletta del bucaa de legn cont i informazion per connettes, principalment l'adressa IP, segnaa sora.
Publegaa el 1 de april 1998, a differenza di àlter pess d'april 'me l'evil bit, a l'è 'n protocoll doperaa seriament in di red di computer.
Storia
[Modifega | modifica 'l sorgent]Giamò in di radun hacker in di Paes Bass del 1997, per dà a tucc on'adressa IP senza ris'cià el fenomen di rouge DHCP, a l'è staa doperaa el meccanism di mollett.
In del 1998 a l'è offizialment mituu dent in di RFC.
A l'è doperaa anca incoeu in di radun de la serie Chaos Communication Camp e in l'Hacking at Random del 2009, semper in di Paes Bass, indova ògni tocch del radun el gh'eva 'na soa division territoriala e per ottegnì l'adressa bisognava segnàss el numer del proppi Datenklo, ossia el cess chimich svoeudaa doperaa 'me zona impermeabil per i apparecc de red.
Fonzionament
[Modifega | modifica 'l sorgent]
In 'sto sistema l'adressa assegnada a on computer a l'è scrivuda in su 'na molletta di pagn o semper in su 'n oggett che 'l pò vèss compagnaa al computer. Despess a gh'è anca di àlter informazion 'me i MAC address per evità di fals o i DNS e i gateway de impostà per fà fonzionà la red.