Paul Auster

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.
El Paul Auster in del setember del 2008

El Paul Auster (Newark, New Jersey, USA 1947 ) a l'è un scritur, pueta, tradütur e diretur de cinema american.

Biugrafia[Modifega | modifica 'l sorgent]

A l'è nassüü a Newark el 3 de febrar del 1947 d'una familia uriginaria de l'Europa centrala e ebraiga. El legg tant de bagaj e'l taca a scriv i so prim puesij in de l'adolescenza. 'L se laurea a la Columbia University in del 1969 e pöö 'l part cunt una petrulera. Intra 'l 1971 e'l 1974 'l viv in Francia. A l'è un periud dedigaa suratüt a la puesia (i liber Unearth del 1974 e Wall Writing del 1976).
Al se met a scriv rumanz a la fin di agn '70. El riva al sücess literari internaziunal cun la famusa Trilugia de New York, fada de trì liber cürt. Ultra a fà el scritur 'l se dediga anca al cinema 'me scenegiadur (Smoke e Blue in the face) e anca regista (Lulu on the Bridge). A l'è spusaa cunt la so segunda miee, la scritura Siri Hustvedt, famusa anca lee, e i dü i hann una tusa, Sophie (l'aveva giamò avüü un fiö de la prima miee, la scritura Lydia Davis).

Tema e stil[Modifega | modifica 'l sorgent]

A l'è cunsideraa un scritur postmudern. Tema tipigh de la so övra a hinn l'assürd, l'esistenzialism, i stori del crimin, la recerca de l'identità e del sens. I so liber principaj a hinn The New York Trilogy (1987), Moon Palace (1989), The Music of Chance (1990), The Book of Illusions (2002) e The Brooklyn Follies (2005).

Bibliugrafia[Modifega | modifica 'l sorgent]

Rumanz[Modifega | modifica 'l sorgent]

  • Squeeze Play (1982) (scrivüü cunt el pseudonim Paul Benjamin)
  • The New York Trilogy (1987)
    • City of Glass (1985)
    • Ghosts (1986)
    • The Locked Room (1986)
  • In the Country of Last Things (1987)
  • Moon Palace (1989)
  • The Music of Chance (1990)
  • Auggie Wren's Christmas Story (1990)
  • Leviathan (1992)
  • Mr. Vertigo (1994)
  • Timbuktu (1999)
  • The Book of Illusions (2002)
  • Oracle Night (2004)
  • The Brooklyn Follies (2005)
  • Travels in the Scriptorium (2006)
  • Man in the Dark (2008)
  • Invisible (2009)

Puesia[Modifega | modifica 'l sorgent]

  • Disappearances: Selected Poems (1988)
  • Ground Work: Selected Poems and Essays 1970-1979 (1991)
  • Collected Poems (2007)

Scenegiadur[Modifega | modifica 'l sorgent]

  • The Music of Chance (1993)
  • Smoke]] (1995)
  • Blue in the Face (1995)
  • Lulu on the Bridge (1998)
  • The Inner Life of Martin Frost (2007)

Alter[Modifega | modifica 'l sorgent]

  • The Invention of Solitude (1982)
  • The Art of Hunger (1992)
  • The Red Notebook (1995)
  • Hand to Mouth (1997)