Parlament

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

El Parlament, ciamaa anca Assemblea, Dieta, Congress o Cort a segonda del Stat, l'è 'n orghen collegial cont el poder legislativ, ma di voeult cont di alter compit comé avègh on repport de fiducia cont el governo, elegg el Capo del Stat o nominà di figur important del Stat.

Tipicament in di republegh presidenziai l'esecutiv l'è minga controllaa del Parlament, foeura de 'n quaj controll estern (ad esempi el Senad di Stat Unii el conferma i Secretari del governo), inveci in la republega parlamentara e in di monarchij parlamentar gh'è proppi on vot indova el Parlament el dis de avègh fiducia in del governo.

Al di d'incoeu i parlament i gh'ha tipicament dò camber, ma gh'è anca tanc parlament monocamerai. In di sistema bicamerai l'è tipegh dà pussee poder a la cambra bassa, ma gh'è anca di Stat, comé l'Italia e i Stat Unii, indova gh'è 'l bicameralismo perfett.

Riferiment

Parlamento - Treccani

Alter progett

Wikiquote el gh'ha dent citazzion de o su Parlament
Wikimedia Commons el gh'ha dent imagin o alter archivi su Parlament