Parentela

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

La parentela l'è un vìncul intra di personn che i vegen zü da l'istess Antenaa. 'Stu vìncul el pö vess creaa da legam biulogegh, suciaj, cultüraj o giüridegh.

La parentela la pö vess direta quand che i personn i vegnen zü vöna da l'altra (presempi int el cas de pader e fiö) e indireta quand che i personn i vegnen mia zü vöna da l'altra anca se i gh'hann un antenaa cumün (presempi fradej o cüsín).

Grad de Parentela[Modifega | modifica 'l sorgent]

Cügnaa/cügnada[Modifega | modifica 'l sorgent]

I cügnaa (en Lombàrt orientàl: chignàcc/chignàde; singolar chignàt/chignàda, ma ach cögnàt/cögnàda) i henn i fradee o i surel de la persona cun la qual vön l'è spusaa, e i spus di fradee e di surel che vön el gh'ha.

  • I fiö di cügnaa i henn i nevud
  • Una persona l'è semper el cügnaa de sò cügnaa
  • Föra de la persona cun la qual vön l'è spusaa, i fiö de la sò madonna i henn cügnaa (ma mia tüt i cügnaa i henn fiö de la so madonna)

Spus[Modifega | modifica 'l sorgent]

El spus (isé pò a 'n Lombàrt orientàl) l'è 'l marii o la mujee.

  • I fradel/surel del spus, o i spus di fradel/surel, i henn i cügnaa

Cüsín/cüsína[Modifega | modifica 'l sorgent]

Una persona l'è el cüsin o la cüsina (en Lombàrt orientàl: cüzì/cüzìna ma apò germà/germàna o zermà/zermàna) d'un'altra persona se i gh'hann un antenaa in cumün. El ligam de parentela l'è indegaa cun un grad.

  • Una persona l'è semper el cüsin de so cüsin.
  • I fradee e i surel di cüsin i henn anca lur cüsin
  • Dumà int el cas di "prim cüsin" i genitur di cüsin i henn el barba e la medina

Barba/Meda[Modifega | modifica 'l sorgent]

Du Fredei briansö

I barba/med (en Lombàrt orientàl barba/mede) i henn i fradee, i surel, e i cügnaa di genitur d'una persona.

  • Una persona l'è nevud de so barba/medina

Al dì d'incö i talianism ziu/zia (o zio/zia) i sustitüissen de suvent i nom nativ lumbard.

Fradee/surela[Modifega | modifica 'l sorgent]

Du personn i henn fradee (anca fradej, en Lombàrt orientàl: fradèi o fredèi) o surel (en Lombàrt orientàl: sorèle) (o fradee e surela) quand che i gh'hann i istess genitur.

  • I fradee di genitur i henn i barba; i surel di genitur i henn i medinn.