Pantaned
Pantaned (Pantanee in milanes standard, Pantanedo in italian) a l'è 'na frazion del comun de Rò, vers Baranzaa e Per. Gh'è dent la stazion ferroviaria de l'alta velocità e l'ingress a la Tangenziala Ovest.
Storia
[Modifega | modifica 'l sorgent]A l'è staa 'n antigh comun del milanes, che 'l confinava a nord cont Mazz, a est cont la Cassina Triulza, a sud cont Per e Serciaa e a ovest cont Rò. In del period de la Maria Teresa l'ha vist on despopolàss, tant che 'l Napoleon el decid de taccàll a Terrazzan in del 1809, che in del 1811 a l'è taccaa a Rò. I austriegh repristenen el comun finna al 1841, quand che l'è taccaa a Mazz, a soa volta taccaa a Rò in del 1928. Al temp di piev el partegniva a la Piev de Trenn.