Palazz Publegh (San Marin)
_-_Day.jpg)
El Palazz Publegh (Palazzo Pubblico in italian) a l'è 'l palazz principal del San Marin e sed di enti pussee important del governo compagn di Capitani Reggent, del Consili Grand e General, del Consili di XII e del Congress de Stat.
A l'è staa faa su in tra 'l 1884 e 'l 1894 per sostituì la Domus Magna Comunis, ciovè el vegg Palazz Publegh, in stil neorenassimental, in su progett del Francesco Azzurri, che 'l s'era ispiraa ai vegg palazz di liber comun. A inauguràll el gh'era el Giosuè Carducci che l'è staa l'orator. In del 1996 a l'è completaa 'n restaver de la Gae Aulenti.
L'edifizzi, protegiuu de la Guardia de Rocca, l'è raffiguraa in di moned de 2€ del San Marin.