Overflow aritmetich
L'overflow aritmetich a l'è la situazion, in informatega, quand che gh'è 'n operazion matematega che la mena a on resultaa pussee grand di bit assegnaa per contegnìll.
Spiegazion
[Modifega | modifica 'l sorgent]El sia daa on numer de 4 bit dent de 'n register de 4 bit:
1011 (2) = 11 (10)
E 'l se gionta 101(2) (5 (10)).
El resultaa a l'è:
10000 (2) = 16 (10)
Ma in d'on register a 4 bit el resultaa che 'l se pò salvà a l'è "0000", ossia "0".
Esempi
[Modifega | modifica 'l sorgent]On esempi famos a l'era el Gandhi in del primm Civilization, indova, per reppresentà el sò pacifism, el gh'eva on indes de bellicosità de 1, ma quand che 'l scerniva la democrazia, automaticament, el perdeva 2 pont, e donca andava a 255, e 'l faseva el leader pussee guerrier del gioeugh.
In del 1996 el razz Ariane 5 el s'è s'ciantaa per via de on overflow, perchè el software, testaa in sul pussee lent Ariane 4, l'ha provaa a mett on numer de 64 bit in d'on spazzi de 16 bit.
El 30 de april 2015 la FAA l'ha nonziaa che in di Boeing 787 gh'è on bug che 'l menaria al perd la potenza ai motor, dovuu al rivà ai 231 segond de sgor, che 'l indica on overflow.
In Minecraft, finna a la 1.7 Desktop ma anca incoeu in la version pocket e in quella per Windows 10, on problema de overflow el crea i far lands, ossia di terr cont di vari problema.
In l'agost 2016 ona slot machine in Iowa l'ha daa on biliett vincent de 42'949'672,76 dollar dovuu a on overflow, menaa in causa, l'ha vinciuu el casinò perchè el massim de la macchina a l'era 10'000$.
Riferiment
[Modifega | modifica 'l sorgent]- Why Gandhi Is Such An Asshole In Civilization
- Disastri informatici, la compilation (prima parte)
- US-2015-09-07 : Electrical Power - Deactivation
- F.A.A. Orders Fix for Possible Power Loss in Boeing 787
- Far Lands
- Sorry ma‘am, you didn’t win $43M—there was a slot machine “malfunction”