Nostradamus

Quest articol chì l'è scrivuu in lombard, grafia milanesa.

El Michel de Notre-Dame (14 de dicember 1503 - 2 de luj 1566), famos in del mond cont el nòmm de Nostradamus, l'è consideraa, insema del San Malachia, vun di pussee famos scrittor di profezij de la storia. El pussee important di sò liber l'è "I Profezij", di quartin in rima in grupp de 100, ciamaa "Centurij".

I sostegnidór del Nostradamus a disen che l'è staa bon de induvinà'n numer sproposità de profezij (arent la storia del mond), come la Rivoluzion Francès, la bomba atòmica, la vegnuda de l'Adolf Hitler, i attacch de l'undés de settember aj Torr Gemèj de Noeuva York. 'Chi che ghe creden no disen, a l'incontrari, che i profezij a hinn di esempi de "chiaroveggenza retroattiva" e de ambiguità: tucc i predizion hinn staa interpretaa domà dopo che i fatt a hinn succeduu. Parament, i quartin del medegh francès a hinn inscì tanto minga ciàr che l' interpretazion l'è foeura de misura soggettiva.

El Nostradamus in de la cultura popolar

Letteradura

• In del liber fantasy: Feha Gìbuss e'l Girasô del Nostradamus, el Nostradamus a l'è vun di personagg principaj, cont el Feha Gìbuss.

• La seria Trilogia del Nostradamus del Valerio Evangelisti

Television

• In de la serie tv Alias el personagg de Milo Rambaldi l'è profètta fals compagn del Nostradamus.

• In de la seri de fantascienza First Wave, i protagonista utilizen i quartinn del Nostradamus per combatt contra una invasion allienna.

Film

Nostradamus l'è'l titol de'n quej film:

• Catastrofe (Prophecies of Nostradamus) film del 1975 de Toshio Masuda (coproduzion USA-Giappòn).
• Nostradamus: The Man Who Saw Tomorrow (1981) [1] del Robert Guenette, commentaa da l'Orson Welles
• Nostradamus (film del 1994) con el F. Murray Abraham, el Daniel Auteuil e'l Rutger Hauer