Nòcc di foeugh

De Wikipedia
Lumbard ucidental Quest articol chì l'è scrivuu in lombard, grafia milanesa.
On pilon de l'elettricità traa giò

La Nòcc di foeugh (Feuernacht in todesch, Notte dei fuochi in italian) l'è stada 'na seri de attentaa dinamitard faa in Sudtirol in del 1961 di member del Befreiungsausschuss Südtirol, in la nocc in tra el 11 e 'l 12 de giugn, quand che per la tradizion tirolesa se pizzen di foeugh per festeggià la vittoria de Andreas Hofer contra di franzes napoleonich.

La prima esplosion l'è stada a Bolzan a l'1 de nocc, e in di dò or dopo gh'è staa alter 46 esplosion, ch'han faa borlaa on poo de pal de l'alta tension, ma senza fermà el servizzi.

La pupart de la comunità todesca l'è stada contrariada: la Gesa, el Südtiroler Volkspartei e 'l giornal Dolomiten han condanaa i bomb, anca se ciamaven al grand desasi di popolazion ladin e todesch. Anca el sò roeul in l'autonomia provincial, ciappada domà del 1972, l'è mia ciar, cont el Silvius Magnago che l'ha dii che "domà grazia ai bombaroeu ghe l'hemm avuda".