Muzio I Sforza de Carevasg
El Muzio I Sforza de Carevasg (1531 - Strasborgh, 23 de november 1553) a l'è staa on nòbel e militar milanes, segond marches de Carevasg.
Biografia
[Modifega | modifica 'l sorgent]Fioeu del Giovann Paol I Sforza e de la Violante Bentivoglio, donca nevod del Lodovigh el Moro, el va in sul trono a quatter agn a la mort del pader, sotta la reggenza de la mader, che la guidava el governo del Castell de Galliaa. A l'era imparentaa cont on mugg de famili de la nobiltà: On sò pro-barba a l'era el Pandolfo IV Malatesta, daree scior de Rimini e l'era nevod de quatter Duca de Milan.
Fornida la reggenza de la mader in del 1552 el decid de unìss a l'armada imperial del Carlo V ma el moeur pocch dopo in la battaja de Metz.
Maridaa el 19 de luj 1545 a Piasenza con la Faustina Sforza, soa cusina, el gh'ha dò fioeu: La Ippolita, che la se fa monega, e 'l Franzesch, che 'l ghe suced al trono sotta la reggenza de la mader.