Museo bolivarian

Quest articol chì l'è scrivuu in lombard, grafia milanesa.

Museo bolivarian

El Museo bolivarian a l’è on museo istituii in del 1911 dedicaa al Simón Bolívar, l'eroe di guèrr d'indipendenza ispanoamericann. L’è logaa a Caracas. I collezion gh’hann denter di oggètt ligaa al Bolívar e a l’indipendenza del Venezuela.

Stòria

On mucc de oggètt del museo a inn staa cataa sù in del secol quell di desnoeuv, e quaivun de lor l’è l’è staa in speggina in del 1883, quand che ‘l president Guzmán Blanco l’ha organizzaa 'na mostra per celebrà el centenari de la nascita del Bolívar. De tut i maner, fina al secol quell di vint l’è staa on museo dedicaa al Bolívar. El president Rómulo Betancourt l’ha ciapaa la decision de spostà el museo a la sede del dì d’incoeu arent al sit de nascita del Bolívar. L'architètt responsabil, el Graziano Gasparini, l’ha progettaa ona facciada in stil colonial spagnoeu per el noeuv edifizzi, che l’è staa inauguraa in del 1960.

Dedenter ghe se poden trovà di document stòrich, di armi del period colonial e de l'indipendenza, di vestii, di oggètt personai del Simón Bolívar e di bander ch'inn staa drovaa in del cors de la guerra d'indipendenza del Venezuela, la lanza del José Antonio Páez e la bara indove che gh’hann trasportaa denter i rest del Simón Bolívar da Santa Marta a Caracas.

Ligamm defoeura

• Official website Red Museos Bolivarianos (Casa Natal-Museo Bolivariano) Modell:Es icon
• Museo Bolivariano en VenezuelaTuya
• Gobierno en Línea / Visita virtual al Museo Bolivariano
• José Manuel Rodríguez R., Cátedra Bolivariana 3^er año, Caracas, Santillana, 2014. URL consultad: 17 maggio 2015.