Musee el Corresg

Quest articol chì l'è scrivud in lombard, con la Noeuva Ortografia Lombarda

Musee el Corresg
Museo il Correggio
Faciada del Palazzi di Prenzip
Sit
Stat	Italia
Località	Corresg
Adressa	Corso Cavour, 7, - Correggio, Corso Camillo Benso di Cavour 7, 42015 Correggio e Corso Camillo Benso Di Cavour 7, 42015 Correggio
Coordinade	44°46′13.19″N 10°46′47.2″E
Carateristeghe
Tipo	Art e archeologia
Intitolad a	El Corresg
Vertuda	1859
Visitator	6 000 (2022)
Sitt web

El Musee el Corresg a l'è un musee d'art e archeologia de Corresg, vert in del 2005 e dedicad al pitor omonem. A l'è dent al Palazzi di Prenzip, palazzi renassimental che 'l gh'ha dent anca la biblioteca de la cità e l'archivi storegh comunal.

Percors

El musee el scomincia cont el leon funerari roman, che l'è in la cort del Palazzi, e l'è el preludi de la sezzion archeologega del territori, che la gh'ha dent i repert pussee important trovad in tra el 1800 e'l 1900 arent a Corresg.

La gh'è poeu la sala del camin, che la se ciama inscì per el gran camin decorad con la corrensgia stema de la fameja, sala fada pussee sciora de 'n soler a casseton decorad cont el stema de la Franzesca de Brandeborgh, contessa mier de Corresg. Dent a gh'è di oeuvere che mostren el carater de la Cort in tra el secol quell de quindes e quell de sedes, la pussee importanta a l'è el Redentor de l'Andrea Mantegna, ma gh'è anca varie oeuvere del Corresg.

La prima galleria l'è dedicada al segond cinchcent, epoca bona per l'art citadina, con oeuvere dei Polidor de Lancian, Bartolamee Schedon, Francesch Madonina e Armini Zuccato, oltra a la collezzion di monede de la zeca de Corresg. Se va inanz in la Sala di Araz, indova che gh'è vari araz fiamingh, comperad del Camill de Corresg, se pensa in d'un so viagg a Anversa.

Pussee inanz, la gh'è la sala del sescent, con oeuvere locai de carater tradizzional e provincial, comunque ispirade de la reforma carracesca. El setcent el gh'ha una soa sala, che la gh'ha dent quader de carater sacher.

In la Sala del Votcent a gh'è oeuvere de carater figurativ, cognossude in l'ambient coltural italian. Per fornì a gh'è la Galleria Asioli, che la gh'ha dent oeuvere de la fameja, 'me di quader del Giusep e del Luis Asioli e di robe prezziose del Bonifazzi.

Galleria di foto

• 
  La Sala del Camin
• 
  El Salon di Araz
• 
  Litrat de dona, despess sociad a la Veronica Gambara
• 
  La pietà del Corresg
• 
  Studi per parapet
• 
  La facia del Cristo del Corresg
• 
  La Galleria Asioli

Ligam de foeura

• sit ofizzial

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Musee el Corresg