Muiment Indipendentista Ligür

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

El Muiment Indipendentista Ligür (ciamaa M.I.L., Movimento Indipendentista Ligure) a l'è un muiment pulitegh, che l'è staa fundaa a Genua el 14 genar 2001, che'l se cunsidera apulitegh rispett ai partii pulitegh tradisiunaj, e che'l vör l'indipendensa dij teritori de chela che l'era l'antega Repüblega de Genua e dij alter teritori che in del 1797 eren de la Repüblega Ligüra, che pöö el Napuleun l'aveva metüda dent in del Imper Frances in del 1805.
El muiment a'l cunsidera minga buna l'anesiun al Regn de Sardegna in del 1815 (e pöö in del Regn d'Italia) per el Cungress de Viena perchè:

  • la prima anesiun la aveva minga avüü la ratifega del guern ligür,
  • per la segunda gh'era minga stada una vutasiun de la pupulasiun.