Mostasù de le Cosére
|
|
Chest artícol a l'è scricc in Lumbàrt, ortograféa orientàl unificàda. |
El Mostasù dele Cosére l'è 'na préda sculpìda (co la tècnica del basoriliévo) che la sa tróa söl cantù 'ntra Córso Maméli e la Contràda dele Cosére, endel cèntro de Brèsa.
Descrisiù
[Modifega | modifica 'l sorgent]
La préda bianca, lauràda 'n pó a 'na quach fòza, la reprezènta na fàcia grànda 'n méter col nas rót e 'n gran barbós. Sèrte profesùr i dis che la préda la sarès 'na mènsola o 'na decorasiù che l'è stàda müìda del post endo la se troàa e che la reprezentarès Teodorìco, el re dei Ostrogòti. A cumincià del medioévo i Bresà i tacàa 'nturen a la scultüra le so proteste 'nvers de chi comandàa per fàle rià a töcc condela us del mostasù. Al dé de 'ncö se üza dì de 'na persùna 'nvèrsa o malmustùza che la sömèa 'l mostasù de le Cosére.
La legènda
[Modifega | modifica 'l sorgent]Gh'è 'n 'gir 'na legènda che la cönta perchè 'l nas del mostasù 'l sarès stat taiàt. Endèl 1311 l'emperadùr Arigo VII, dòpo ìga streersàt la pianüra, 'l decìt de ocupà Brèsa e 'l züra de taiàga 'l nas a töcc chèi che i se fös orsàcc a fermàl. I abitàncc de Brèsa i pröa a resìster ma a la fi de la féra i è costrècc a arindìs al imperadùr che isé el pöl fà la sò entràda töt en triónf sènsa 'ncuntrà nisü. A chel pùnto lé l'imperatùr el sa piö cóme fà per mantègner el so züramét e 'l ghe domànda 'n sügerimènt al Lùca Fièschi, en rapresentànt del Pàpa, e chèsto 'l ghe sögerés de sfogàs con dei quàder e le stàtue de la cità.[1] Sarès stat isé che l'imperadùr el g'harès fat spacà zó 'l nas al Mostasù de le Cosére.