Mort de la Yara Gambirasio
L'omicidi de la Yara Gambiras (in italian Yara Gambirasio), ona tosa de Brembaa de Sora l'è on staa cas de cronaca negra italiana.
Se gh'è suceduu
[Modifega | modifica 'l sorgent]Yara, che l'era ona ginnasta, la sortiss dal Center Sportiv de Brembaa de Sora el dì 26 de november del 2010 ai or 6:44 de sera.
Cà soa l'è arenta, circa 700 meter, ma la ghe rivarà mai. Trii minut dop che l'è sortida, el so cellular el se troeuva sotta la cella telefonega de Mapell e pocch dopo el signal el descompariss.
A lè squasi subit cercada, e el 5 de dicember a l'è indagaa el magutt marocchin Mohammed Fikri, per ona intercettazion in arab che 'l incastrava, ma dopo 'l s'è descovert che l'era ona traduzion fallada.
L'operari, che l'è staa fermaa in su 'na barca che l'era dre ad andà a Tanger, el dimostra che 'l sò viagg l'era minga ona fuga e la so posizion a l'è archiviada.
Ritrovament del corp
[Modifega | modifica 'l sorgent]El 26 febrar del 2011, on appassionaa de aeromodellism el troeuva el corp de la Yara mentre che l'era dree a giugà cont on modellin. L'era in d'on camp a Chignoeu, al confin cont el comun de Madone. [1]
In su el cadaver i medegh troeuven tancc colp de spranga, di taj cont di cortej e anca on colp al coo. El par che la sia morta per el fregg.
El so òbet l'è staa faa dal vescov de Bergom Francesco Beschi el dì 28 de magg. L'è staa anca lengiuu on messagg del President italian Giorgio Napolitano.
Idej
[Modifega | modifica 'l sorgent]El giornalista Roberto Saviano ha ipotizzaa on movent de mafia, vist che el pader de la Yara, el Fulvio, che l'è on geometra l'ha testimoniàa in di process in su la droga in del bergamasch e in su di infiltrazion de la malavitta, ma l'è staa desmentii. [2]
L'indagin
[Modifega | modifica 'l sorgent]In sul corpesin de la Yara a l'è trovaa del DNA, ch'i investigator ciamen "Ignoto 1"
La Procura de Bergom la fa ona granda campagna di test del DNA, e la descovriss che l'"Ingoto 1" l'è el fioeu de on autista di bus, el Giusepp Guerinoni, mort in del 1999, ma el DNA l'è minga de vun di so fioeu. La procura la fa di alter analisi e 'l vegn foeura che l'era on fioeu illegittim del Guerinoni.
Despoeu de 'n fint Alcol Test, la Polizia la mena via el Massimo Giusepp Bossetti, on magutt de Mapell, che 'l vegn accusaa de avè mazzà la Yara.
El process
[Modifega | modifica 'l sorgent]El 26 de febrar del 2015 vegnen saraa i indagin in su el Bossetti. La difesa del Bossetti la dis che el test del DNA l'era contaminaa e che 'l pò vess minga ripetuu, inveci la Procura la dis che l'è tutt valid.
El process el scomincia el 3 luj del 2015, despoeu de l'udienza del 27 april innanz al GUP. El 12 de ottober 2018 l'è condanaa a l'ergastol de la Cort de Cassazion.[3]