Mort de Harambe

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

El 28 de magg del 2016 intorna ai or 16:00 locai al Zoo de Cincinnati on fioeu de 3 agn l'è borlaa dent a la gabbia del gorilla Harambe, scimmia de 200 kg e che 'l aveva faa 17 agn el dì prima.

I guardij del zoo han savuu no cossa fà e donca han sbaraa al Harambe, che l'è mort.

I espert han parlaa de 'na sicurezza scarsa, che l'ha daa 'me unega scerna quella de coppà la bestia.

L'incident[Mudifega | mudìfica 'l sorgènt]

El fioeu l'è borlaa per circa 4 meter per finì in d'ona pozza de fangh, ma primma l'ha superaa 'na recinzion de circa 1 meter e l'è passaa per i cespuj per 1,2 meter.

I guardij han ciamaa dent i tre gorilla de la gabbia, i dò donn l'han faa, ma el mas'c l'è restaa foeura.

Harambe l'era deventaa semper pussee agitaa, e 'l suttava a toccà e a moeuv el fiolin, e i omen del zoo han scernuu de fàll foeura, e l'han faa cont on colp.

I pomper han dii che quand l'Harambe l'è mort el fioeu l'era in tra i sò gamb.

Reazion[Mudifega | mudìfica 'l sorgènt]

Ciarament l'avè coppaa la bestia l'ha faa tant parlaa in tutt el mond: On poo de gent la voreva processà i gent del fiolin per la mort del gorilla, ma el Procurator l'ha scernuu de fàll no.

Gh'è staa anca controversia in sui intenzion de Harambe: Per quajvun el voreva fà del mal al fioeu, per di alter juttàl e difendel.