Monscender (giov)

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El Monscender (italian: Monte Ceneri; in romancc sursilvan: Munt Schiember) l'è on coll e on giov alpin del Canton Tesin, in Isvizzera.
A se troeuva a on'altezza de 554 meter sora el nivell del mar, e 'l fa de colegament in tra el Pian de Magadin (nord) e la Val del Vedegg (a sud).
Del pont de vista orografegh, l'è 'l pont de confin in tra i Prealp Varesinn (ovest) e i Prealp Comasch (est). L'è traversaa de 'na strada cantonal. L'otostrada e la ferrovia del San Gotard ghe passen sotta cont ona galeria.

Importanza coltural

El Monscender, anca se l'è minga inscì volt, el spartiss in duu tocch el Canton Tesin: a nord el Sorascender (Sopraceneri), a sud el Sottascender (Sottoceneri). A nord a gh'è i città de Belinzona e Locarn, a sud quei de Lugan e Mendris. I dialett del nord hinn pussee vesin al modell lombard alpin (foeura che in di dò città e in di comun intorna), quei del sud inveci hinn compagn al modell milanes.

Vos corelaa