Molella

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Wikiquote-logo.svg
«Mì fòo el dj perchè me diverti. Quand el desmett de divertìmm faròo ün olter laurà, ma mì so minga fà quajcoss d'olter.»
(Intervista in sül giurnàal "GQ" in del 2005)

Molella, nomm intregh Maurizio Molella (Munscia, 6 nuvember 1964), l'è ün DJ italiàn.
L'è vün di pussee impurtant DJ d'Italia e produtùr de müsica di discotech a livell internaziunàal.

La cariéra[<small>Mudifega</small> | mudìfica 'l sorgènt]

Molella l'ha iniziàa a fà el DJ a livell amaturiàal a quatordes an.
Dopu che l'ha ciapàa el diploma da disegnatùr mecanich, l'ha cuminciàa a lavurà in d'üna radio privada piscinina, "Radio Country". Dal 1984 l'ha cuminciàa a fà el DJ in di discotech milanés e, dal, 1986 lavura a "Radio Deejay", vüna di pussee impurtant radio privadi d'Italia: el diventa inscì vün di pussee pupular DJ tra i giuvinot italiàn.
In del 1990 Molella l'ha cuminciàa el sò lavurà cumè produtùr de musica di discotech: la sò prima canzùn, Je vois, l'è minga stàa ün gran success.
La sò cunsacraziùn l'è rivada in del 1991, cun la canzuùn Revolution, seguida da Free (1992), Confusion (1993), Originale radicale musicale (1994) e If you wanna party, insèmm al grüp americàn The Outhere Brothers.
In 'stu periud chì el lavura semper a "Radio Deejay", in duvè culabura tra'l 1991 e'l 1996 a la realisaziùn de "Deejay Time" la trasmissiùn de radio pussee famusa di quij temp. Dal 1991 piglia part anca a la trasmissiùn "Megamix" (incoeu ciamada "Disco Ball"), semper sü l'istessa radio, insèmm, fin al 2002, a Fargetta, ün alter famùs DJ italiàn.
Cumè produtùr de müsica di discotech el contribüiss a promoeuver la cantant Gala (1996 e 1997) e'l grüp The Soundlovers, ch'hann avüü un gran success anca in Germania.
Molella l'ha anca cuntinuàa a scrif canzùn vendüdi cunt il sò nom: With this ring let me go, insèmm a Fast Eddie e al grüp Heaven 17 (1998), Genik (2000), Discotek people e Love lasts forever (2001), T.V.A.B. e Magia (2002), Baby! e The desert of love (2003), Con il nastro rosa, insèmm al famùs DJ Gigi D'Agostino (2004), Village groove (2005), Love resurrection (2006), Sharm el Sheick e Desire (2007).
Molella l'è anca specialisàa in del trasfurmà i canzùn de müsica legera in canzùn di discotech, cul cambi de la bàas müsicàal: di esempi hin Nella notte (1994) dij 883, Rewind (2001), Ti prendo e ti porto via (2001), Buoni o cattivi (2004) e Cosa vuoi da me (2005) de Vasco Rossi e Ma il cielo è sempre più blu (2003) de Rino Gaetano.

I disch[<small>Mudifega</small> | mudìfica 'l sorgènt]

Molella l'ha püblicàa quater disch di canzùn:

  • Originale radicale musicale (1995);
  • Les jeux sont faits (2001);
  • Made in Italy (2004), püblicàa insèmm a ün liber;
  • Molly 4 deejay today (2008).

I premi[<small>Mudifega</small> | mudìfica 'l sorgènt]

In del 2002 e in del 2003 Molella l'ha vingiüü il premi "FIMI-Italian music awards" (Premi italiàn de la müsica, urganisàa da la Federaziùn de l'indüstria müsicàal italiana) cumè migliùr produtùr de musica di discotech.